Kommune
Kujalliup piffissaq eqqorlugu akileraarutinut akiligassanik 400
millionit
koruuninik
akiliinissaq sumiginnarpaa.
Tamanna kommunip 6,1 millionit
koruuninik
akiliisinneqarneranik kinguneqassasoq, akileraaruseriffik
unnerluussisussaatitaasorlu isumaqarput.
Kommune
Kujalliup piffissaq eqqorlugu akileraarutinut akiligassanik 400
millionit
koruuninik
akiliinissaq sumiginnarpaa.
Tamanna kommunip 6,1 millionit
koruuninik
akiliisinneqarneranik kinguneqassasoq, akileraaruseriffik
unnerluussisussaatitaasorlu isumaqarput.
Kommunip kinguaattoorneq
uppernarsarpaa, akileraarutinilli akiliutinik sakkortuumik
mianersuaalliortoqarneraaneq eqqunnginnerarlugu.
Kommune
Kujallermi akileraarutinik akiliutinik ajornartorsiutit
eqqartuussivilersuussinermik
kinguneqarput, kommunimi Kalaallit Nunaanni eqqartuussivimmut
apriilip 21-ani eqqartuunneqartussanngorpoq.
Unnerluussisussaatitaasoq
kommunip 6,1 millionit
koruuninik
akileraarutinut akiliisinneqarnissaa siunertaralugu eqqartuussivimmi
suliassanngortitsivoq.
Kommunip
akiligassaq,
akileraarutinut A-nut suliffeqarnermullu akitsuutinik
Namminersorlutik
Oqartussanut
2023-mi 2024-milu akiliutissaminik kinguaattoornermi
akilinngitsoornermilu kingorna akiligassiissut akilerumanngilaa.
Kommune
Kujalliup qaammatini assigiinngitsuni pingasuni akileraaruseriffimmut
akileraarutinik akiliinissaminik sumiginnaanera ilisimaneqareerpoq.
Suliami maanna
ingerlasussami Akileraartarnermut Aqutsisoqarfiup qaammatit allat
qulit, kommunip akileraarutinik akiliisarnera, tamatigulli
kingusinaartarnera nalunaarsorpaa.
Taamaalilluni
februaarimi 2023-mit marsimut 2024-mi qaammatini aqqaneq-pingasuni,
kommunip akiliutai tamatigut kinguaattoorlutilluunniit
akilinngitsoorneqartarput.
Aningaasat
katillugit 407 millionit
koruuninit
annikinnerulaartut piffissaq eqqorlugu akilerneqanngillat.
Unnerluussissut
malillugu tamanna ”piaaraluni sakkortuumilluunniit
mianersuaalliornikkut” pivoq taamaammallu akiligassanit
tamarmiusunit 1,5 procentinik akiliisitsisoqassaaq, taakkulu 6,1
millionit
koruuninik
naleqarput. Tamannali Kommune Kujalliup isumaqatiginngilaa.
Sakkortuumik
mianersuaalliorneq taamaattoqannginneraluunniit
Kommune
Kujalliup unnerluussummi akiligassat kinguaattoorsimanerat
akiliisoqannginneranilluunniit paasissutissat eqqortuunerat
Sermitsiamut uppernarsarpai.
Akerlianilli
kommunip tamatuma ”piaaraluni sakkortuumilluunniit
mianersuaalliornikkut” pisimanera eqqunnginnerarpaa. Tamanna aamma
6,1 millionit
koruunit
akiligassinneqarnermik kinguneqassanngitsoq kommuni nammineq
isumaqarpoq.
Suliami
paasissutissat sukumiisut Kalaallit Nunaanni Eqqartuussivimmi
apriilip
21-ani
saqqummiunneqassapput.
-
Eqqartuussivik aalajangiitinnagu suliaq iserfigerusunngilara.
Oqartussat akuusut tatigilluinnarpakka, kommunaldirektør Randi
Vestergaard Evaldsen siusinnerusukkut eqqartuussivilersuussinermik
eqqartuinermi Sermitsiamut oqarpoq.
Unnerluussummi
paasissutissanut saqqummiunneqartunut nutaanut aamma
oqaaseqartinnissaa pisinnaasimanngilaq.
