Nalunaarusiaq nutaaq: 2024-mi naartuersittut 900-nit amerlanerupput

2024-mi naartuersittut 926-t nalunaarsorneqarsimapput, kissaatiginagulu naartulernerup pinaveersaartinnissaa suli eqqumaffigineqartariaqartoq, Nunatsinni Nakorsaaneqarfik inerniliivoq.

2024-mi naartuersinnerit 709-t nakorsaatitornikkut pipput, suliaritillunilu naartuersinnerit 217-iullutik, Nunatsinni Nakorsaaneqarfiup nalunaarusiaani allassimavoq.

Toqqorsivimmit: Leiff Josefsen

Thomas Munk Veirum Thomas Munk Veirum Thomas Munk Veirum Tusagassiortoq

Saqqummersinneqarpoq 24. Novembari 2025 - 13:02

Annonse

Naartuersittut 2024-mi ukiup siulianut sanilliullugit ikinnerulaarput, tassa 2023-mi 1.034-t naartuersittut 2024-mi 926-upput.

Tamanna Nunatsinni Nakorsaaneqafiup kisitsisaataani saqqummersinneqaqqammersumi takuneqarsinnaavoq.

- 2024-imi nuna tamakkerlugu naartuersittut agguaqatigiissillugit 27-nik ukioqarput. Ukiukinnerpaaq 13-inik ukioqqortunerpaarlu 46-nik ukioqarlutik, nalunaarusiami allassimavoq.

Naartuersittut
amerlanerpaat 20-30-illu akornanni 30-illu sinnilaarlugit ukioqarput. Ukioqatigiiaani ukiukinnerit
ukioqqortunerillu akornanni naartuersittut ikinnerupput, inuusuttuaqqallu akornanni ikittuinnaat
nalunaarneqarlutik, Nunatsinni Nakorsaaneqarfik allappoq. — Naartuersittut amerlanerpaat 20-30-illu akornanni 30-illu sinnilaarlugit ukioqarput. Ukioqatigiiaani ukiukinnerit ukioqqortunerillu akornanni naartuersittut ikinnerupput, inuusuttuaqqallu akornanni ikittuinnaat nalunaarneqarlutik, Nunatsinni Nakorsaaneqarfik allappoq.

Arnap naartunermini sapaatit-akunneri aqqaneq-marluk qaangersimagunigit naartuersinniaruni immikkut qinnuteqartussaavoq, 2024-milu arnat 35-t naartuersinnissaminnut akuersissummik qinnuteqarsimallutik. 2023-mut sanilliullugit arfineq-marlunnik amerlanerupput.

2024-mi qinnuteqartut tamarmik akuerisaapput:

- Qinnuteqartut inuusunnerusunik utoqqaanerusunillu ilaqarput. Arnat arfineq pingasut 18-it inorlugit ukioqarput, 27-illu 18-ileereersimallutik. Qinnuteqartut inuusunnersaat 13-inik ukioqarpoq, ukioqqortunersaallu 44-inik ukioqarluni, nalunaarusiami allassimavoq.

Paasissutissat siunnersuinerillu pissarsiarineqariaannaassasut

Kisitsisit tunngavigalugit naartuersittarnerit amerlassusaat ukiuni qulini kingullerni allanngoriaateqarpallaarsimanngitsut nakorsaaneqarfik inerniliivoq, kissaatiginagulu naartulernerup pinaveersaartinnissaa suli eqqumaffigineqartariaqarluni:

Nunap immikkoortuini tamani naartuersittut qassiunersut, aamma naartunerup sivisussusaasa agguaqatigiinnerat takussutissami takuneqarsinnaavoq.

- Kissaatiginngisamik naartulersarnernik pitsaaliuinissaq eqqumaffigiuartariaqarpoq, periuserlu ersarissoq ataatsimoortorlu, inuusuttunik arnanillu inuunerminni sanngiiffeqartunik, paasissutissinneqarnikkut toqqaasinnaanissamut ikorfartuisinnaavoq.

- Paasissutissat siunnersuinerlu innuttaasunut tamanut pisariitsumik pissarsiassaanissaat qulakkeertariaqarportaaq. Ilisimasanik ikorfartortissamillu pissarsisinnaaneq piareerlunilu paasilertoruminarsippat, naartunermut naartunaveersaarnermullu tunngasunik, amerlanerusut paasiniaasinnaanissamut ikiortissarsiniarsinnaanissamullu periarfissaqalissapput, Nunatsinni Nakorsaaneqarfiup ukiumoortumik nalunaarusiaani allassimavoq, taanna tamakkiisumik nittartagaanni atuarneqarsinnaavoq.