KL

DK

Naluttarfiup matuneqarallarnissaanut ulloritinneqartoq attatiinnarneqarpoq

Nuummi naluttarfik Malik sapaatip-akunnerata tulliani matuguni ukioq ataaseq matoqqassaaq.

Naluttarfik Malik ukioq ataaseq matoqqassaaq.
Thomas Munk Veirum
Thomas Munk Veirum Tusagassiortoq
Saqqummersinneqarpoq

Matoqqaneq innuttaasunut nalunnguarnermik nuannarisalinnut Naluttarfik Malimmik atuisartunut unammillernarallassaaq. Taamaammat naluttarfiup matoqqanerani timersornissamut iluarisimaarnissamullu periarfissanik allanik ujartuinissaq naluttarfiup tamanut kajumissaarutigaa.

Taama Kommuneqarfik Sermersooq nittartakkamini allappoq, tassanilu naluttarfiup iluarsaanneqarnera annertunerusoq aallartinniarlugu marsip aallaqqaataani matunissaa aalajangerneqarsimasoq aamma oqaatigineqarpoq.

- Pilersaarutip siullertut Nuummi innuttaasut naluttarfimminnut aalakkaasumik isersinnaanissaat siunertarivaa. Ilutigalugulu nutarterinermut atatillugu assigiinngitsutigut pitsanngorsaasoqassaaq, kommuni iluarsaassineq pillugu allappoq, tamannalu ukiumik ataatsimik sivisussuseqassangatinneqarpoq.

Naluttarfik 2003-mi sananeqarpoq, taamaalillunilu ukiunik 20-nngortorsiorluni nalliuttorsioreersimalerpoq.

Nutarterinissaq 2023-mi nalunaarutigineqarpoq, Naluttarfimmiillu Malimmit Kommuneqarfik Sermersuumiillu illoqarfiup nalunnguarnermik nuannarisaqartut pillugit naluttarfik nutaaq pitsaanerusorlu qilanaarineqarpoq.

iluarsaanneq inuiaqatigiit nuuk naluttarfik malik matoqqaneq kommuneqarfik sermersooq

Atorfiit tamaasa takukkit

PODCASTI

Powered by Labrador CMS