KL

DK

Niviarsiaqqat akeqanngitsumik HPV-mut akiuussuserneqartarnerat, ataatsimiititaliap akuersissutigaa

Naligiissitaanermut Ataatsimiititaliaq naammagittaalliummik suliaqaqqammerpoq, matumani Kalaallit Nunaanni peqqinnissaqarfiup niviarsiaqqat kisiisa HPV-mut akiuussutissamik akeqanngitsumik kapitinnissaannut neqeroortarnera pineqarpoq, nukappiaqqat pinnagit. Unioqqutitsilluni assigiinngisitaartumik sullissisoqanngitsoq, ataatsimiititaliaq isumaqarpoq.

Akiuussutissalersuinermut periusissiaq innuttaasunit naammagittaalliutigineqarpoq, suliamili peqqinnissaqarfik ilalerneqarpoq.
Morten Okkels Morten Okkels Tusagassiortoq
Saqqummersinneqarpoq

Kalaallit Nunaanni peqqinnissaqarfiup niviarsiaqqat nukappiaqqat pinnagit, akeqanngitsumik HPV-mut akiuussusersuisarnera, suiaassuseq aallaavigalugu assigiinngisitsineq eqqarsaatigalugu unioqqutitsinerua?

Tamanna pillugu Naligiissitaanermut Ataatsimiititaliaq aalajangiivoq. Angajoqqaat ilaata naammagittaalliuutaata tiguneqarnerata kingorna 3. november 2025-mi aalajangiisoqarpoq, tamannali maannamut tamanit ilisimaneqanngilaq.

Kalaallit Nunaanni peqqinnissaqarfiup niviarsiaqqat nukappiaqqat pinnagit, akeqanngitsumik HPV-mut akiuussusersuisarnera, suiaassuseq aallaavigalugu assigiinngisitsineq eqqarsaatigalugu unioqqutitsinerua?

Tamanna pillugu Naligiissitaanermut Ataatsimiititaliaq aalajangiivoq. Angajoqqaat ilaata naammagittaalliuutaata tiguneqarnerata kingorna 3. november 2025-mi aalajangiisoqarpoq, tamannali maannamut tamanit ilisimaneqanngilaq.

HPV-mut akiuussutissat kræftinut assigiinngitsunut, ajornartorsiutillu allat HPV virusip pilersitai pinngitsoortittarpai.

Naammagittaalliortoq erneqarpoq, niviarsiaqqallu kisimik akeqanngitsumik akiuussutissalerneqartarnerat, nukappiaqqamullu 1.250 koruuninik akiliuteqaqqaarluni akiuussutissalerneqartarnerat, taassuma ajornartorsiutitut isigaa.

- Ernerput akiuussutissalertinniarlugu akiliivugut, kikkulli tamarmik akiuussutissalersuinissamut akissaqanngimmata taamaattoqarnera uggornaqaaq, naammagittaalliuuteqartut ataatsimiisitaliamut allappoq.

Assigiinngisitsineq akuerisaq

Naligiissitaanermulli Ataatsimiititaliap naammagittaalliutigineqartoq tapersinngilaa, ataatsimiititaliarlu Peqqissutsimut Naalakkersuisoqarfimmiit oqaaseqaataanik pissarsisimavoq.

Ataatsimiititaliap aalajangiineranni ima allassimavoq:

– Naligiissitaanermut Ataatsimiititaliaq isumaqarpoq niviarsiaqqat akeqanngitsumik HPV-mut akiuussutissamik kapitinnissaannut neqeroorfigineqarnissaat nukappiaqqallu 1.250 koruuninik akiliisoqartariaqartarnera naligiissitaanermut assigiinngisitsinermullu inatsimmut akerliunngitsoq, tamanna naapertuilluartumik siunertaqarpoq. Aningaasallu pisariaqartinneqarput.

Naatsumik oqaatigalugu HPV-mut akiuussutissamik kapitinnissaq meeqqanut tamanut iluaqutaasinnaavoq, niviarsiaqqanulli arnanullu immikkut iluaqutaasinnaalluni. Illissap iluani kræfteqarneq, kræfti HPV-ni aallaaveqartuni naliginnaanerpaajuvoq.

Taamaattumik HPV-mut akiuussutissaq meeqqanut eqimattanut iluaqutaasinnaanerpaasoq tunniunneqartarpat, peqqissutsimut pitsaanerpaassaaq.

Taamaattumik peqqinnissaqarfik niviarsiaqqanik akiuussutissalersuinissamut tunngavissaqarluarpoq, Naligiissitaanermut Ataatsimiititaliaq isumaqarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

naligiissitaanermut ataatsimiititaliaq niviarsiaqqat hpv-mut akiuussutissaq peqqinnissaqarfik inuiaqatigiit nukappiaqqat

Atorfiit tamaasa takukkit

PODCASTI

Powered by Labrador CMS