KL

DK

Nunatta eqqartuussisuisa inatsimmi piffissaq aalajangersagaq sumiginnarpaat — naalakkersuisup tamanna ajuusaarutigaa

Naligiimmik Pinninnissaq Pillugu Aalajangiisartut, nunap eqqartuussisuanik siulittaasuuffigineqartoq, ukiumoortumik nalunaarusiornissamut inatsisitigut piumasaqaataasoq maajip aallaqqaataanut killigiutitaq naammassinngilaa. Naligiisitaanermut siunnersuisoqatigiit nalunaarusiani piffissaq eqqortoq tunniuppaa, taamaattorli tamannut saqqummersinnagu. Naalakkersuisoqarfiup piffissat killiliussat ataatsimiisitalianut siunnersuisoqatigiinnullu erseqqissassavai.

Piffissat killiliussat malinneqassasut Mariane Paviasen Jensen oqarpoq. Taassumalu naalakkersuisoqarfiata tamanna erseqqissassavaa.
Morten Okkels Morten Okkels Tusagassiortoq
Saqqummersinneqarpoq

Naligiimmik Pinninnissaq Pillugu Aalajangiisartut, naligiissitaanermik ajornartorsiutinik maalaaruteqartunik suliaqartartoq, suli aalajangiisimanngitsoq, Sermitsiami piffissami qaninnermi allaaserineqarpoq.

Taamaakkaluartoq naligiissitaanermut inatsimmik maleruaanissamik ajornartorsiuteqartunik maannakkut peqarpoq, tassa Naligiimmik Pinninnissaq Pillugu Aalajangiisartut nammineq.

Naligiimmik Pinninnissaq Pillugu Aalajangiisartut, naligiissitaanermik ajornartorsiutinik maalaaruteqartunik suliaqartartoq, suli aalajangiisimanngitsoq, Sermitsiami piffissami qaninnermi allaaserineqarpoq.

Taamaakkaluartoq naligiissitaanermut inatsimmik maleruaanissamik ajornartorsiuteqartunik maannakkut peqarpoq, tassa Naligiimmik Pinninnissaq Pillugu Aalajangiisartut nammineq.

Inatsisit naapertorlugit Naligiimmik Pinninnissaq Pillugu Aalajangiisartut ukiumoortumik nalunaarusiamik maajip aallaqqaataani tunniussisussaavoq. Taamaattorli piffissaq eqqorlugu tunniussisoqarsimannginnera pillugu, Sermitsiamit apersuutigineqalermat aatsaat piffissami qaninnermi tunniussisoqarpoq.

Meeqqanut, Inuusuttunut, Inatsisinik Atuutsitsinermut Naligiissitaanermullu Naalakkersuisoqarfiup allagartaq tamanna siusinnerusukkut tiguneqarsimanngitsoq, uppernarsarpaa.

Inatsimmi piumasaqaatip naammassineqannginnerani, Nunatta Eqqartuussisuunera Kirsten Thomassen ulluinnarni Kalaallit Nunaata Eqqartuussiviani ingerlatsisoq, ataatsimiisitaliami siulittaasuunera, maluginiarneqarsinnaavoq.

– Naligiimmik Pinninnissaq Pillugu Aalajangiisartut ukiumoortumik nalunaarusiaanut atatillugu, ataatsimiititaliap nittartagaani atuarneqarsinnaasoq maanna ilisimatitsissutigineqarsinnaavoq. Ajoraluartumilli ukiumoortumik nalunaarusiap aatsaat maannakkut tamanut saqqummiunneqarnera ajuusaarnartuuvoq, Meeqqanut, Inuusuttunut, Inatsisinik atortitsinermut Naligiissitaanermullu Naalakkersuisoq Mariane Paviasen Jensen (IA) allakkatigut oqaaseqaateqarpoq.

Siunnersuisooqatigiit nalunaarusiaat nittartakkami amigaataasoq

Naligiissitaanermut Siunnersuisoqatigiinni, eqqartuussissuserisumit Britta Keldsenimit siulersorneqartumi, aamma kukkusoqarsimavoq.

Kalaallit Nunaanni naligiissitaanissaq sulissutigissallugu, Siunnersuisoqatigiit siunertaraat. Ataatsimiititaliaq assigalugu ukiumoortumik allakkatigut nalunaarusiortoqartarnissaa piumasaqaataavoq, taannalu aamma tamanut saqqummiunneqartartussaavoq.

Naligiissitaanermut Siunnersuisoqatigiit, ataatsimiisitaliamit allaanerullutik, ukiumoortumik nalunaarusiartik apriilip aallaqqaataa sioqqullugu naalakkersuisoqarfimmut tunniuppaat.

Aammali tamatumani nalunaarusiaq teknikkikkut ajornartorsiutit pissutigalugit aatsaat tamanut piffissami qaninnermi saqqummiunneqarpoq.

– Naligiissitaanermut Siunnersuisoqatigiit ukiumoortumik nalunaarusiaat piffissaq eqqorlugu naalakkersuisoqarfimmit tunniunneqarpoq. Matumanili tamanut saqqummiunneqarsimannginnera ajuusaarnarpoq, Naalakkersuisoq Mariane Paviasen Jensen oqarpoq.

- Siunnersuisoqatigiinnut ataatsimiititalianullu piffissaliussat erseqqinnerulersinniarlugit sulissuteqarpugut, naalakkersuisoqarfimmi atorfilittaq ilassusiivoq.

Sermitsiap naalakkersuisup oqaaseqaatai Naligiissitaanermut Ataatsimiititaliamut aamma Naligiissitaanermut Siunnersuisoqatigiinnut ingerlateqqippai, taakkuali arlaannaalluunniit allaaserisap matuma saqqummiutinnginnerani oqaaseqanngillat.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

ukiumoortumik nalunaarusiaq naligiissitaanermut siunnersuisoqatigiit mariane paviasen jensen naligiimmik pinninnissaq pillugu aalajangiisartut kirsten thomassen inuiaqatigiit

Atorfiit tamaasa takukkit

PODCASTI

Powered by Labrador CMS