Nuummi anorersuarnissaanik aarlerisaarut - pingasunngornermi anoraasuarsuartut sakkortutigisarnissaa ilimagineqarpoq

DMI-p Nuummi Paamiunilu anorersuarnisssaa kategori 2-mik ilimasaarutigaa. Anoraa anoraasuarsuartut sakkortutigisarsinnaassaaq.

Silassaq pingasunngorneq marsip 18-iani nal. 06:00-miit nal. 11:00-ip tungaanut atuuppoq.

Nuummi anorersuaq kujasik-kangisimmik 25-25 m/s-inik anorersuarnissaa, anoraasuarsuartut sakkortutigisumik 33-33 m/s-it tikillugit sakkortutiginissaa DMI-ip naatsorsuutigaa.

Paamiuni anorlilernissaa siusinnerusukkut pissaaq, tassa silassaq pingasunngornermi marsip 18-ani nal. 03:00-imiit nal. 09:00-ip tungaanut atuuppoq.

Anorersuaq kujasik-kangisimmik 25-28 m/s-inik sakkortusarnissaa, anoraasuarsuartut 33-34 m/s-inik anoraasuasarsinnaassasoq, DMI-p aarlerisaarutigaa. 

Kommuneqarfik Sermersuup innuttaasut mianersornissaanik kaammattorpai:

- Paamiuni Nuummilu innuttaasut piumaffigineqarput pigisat tingissinnaasut aalajangersornissaat, tassani sanaartornermut atortut, umiatsiat assigisaallu pineqarput, Kommuneqarfik Sermersooq Facebookimi allappoq.

Kommunip pisariaqartitsinermi upalungaarsimasunut normumut 113-imut sianertoqarsinnaasoq ilisimatitsissutigaa.