Containerit inissiat arfineq-pingasut Tasiilami arsaattarfiup eqqaanut inissinneqarsimasut illoqarfimmi angerlarsimaffeqannginnerup inissaaleqinerullu akiorneqarnissaanut iluaqutaasussaapput.
Containerillu pisariaqartinneqaqaat. Inuit nalunaarsorsimaffianni kisitsisit kingulliit 2025-meersut qiviaraanni Tasiilami innuttaasut 56-it aalajangersimasumik adresseqanngillat. Illoqarfimmi innuttaasut 64-it angerlarsimaffeqanngitsuusut Namminersorlutik Oqartussat angerlarsimaffeqanngitsunik kisitsisitsineranni 2022-meersumi aamma paasinarsivoq.
Containerit inissiat arfineq-pingasut Tasiilami arsaattarfiup eqqaanut inissinneqarsimasut illoqarfimmi angerlarsimaffeqannginnerup inissaaleqinerullu akiorneqarnissaanut iluaqutaasussaapput.
Containerillu pisariaqartinneqaqaat. Inuit nalunaarsorsimaffianni kisitsisit kingulliit 2025-meersut qiviaraanni Tasiilami innuttaasut 56-it aalajangersimasumik adresseqanngillat. Illoqarfimmi innuttaasut 64-it angerlarsimaffeqanngitsuusut Namminersorlutik Oqartussat angerlarsimaffeqanngitsunik kisitsisitsineranni 2022-meersumi aamma paasinarsivoq.
Sermitsiamit paasissutissaatigut malillugit containerit inissiat atorneqalereerput. Kommuneqarfik Sermersuumi Aningaasaqarnermut Inuussutissarsiornermullu Ataatsimiititap containerinut tunngasut ullumi marlunngornermi februaarip qulingani ataatsimiinneranni oqaluuserissaanut ilaapput. Suliallu kommunalbestyrelsemut kingorna ingerlateqqinneqarnissaa naatsorsuutigineqarpoq.
Najugaqalernissamut sungiusarfittut atorneqassasut
Containerit utaqqiisaasumik najugaqarfissatut pilersinneqarput, najugaqartut namminneq aalajangersimasumik angerlarsimaffittaarnissaannut tapersersorneqarnissaat periarfissaalluni.
Inissaaleqinerujussuaq peqqutigalugu Tasiilami ilaqutariippassuit tattoqisaallutik najugaqatigiittariaqartartut Sermitsiami siorna oqaluttuaraarput.
Tasiilami inuit arfineq-pingasunit amerlanerullutik najugaqatigiittut 42-pput. Maniitsumut 700-nik innuttaasoqarnerusumut sanilliutissagaanni, inuit arfineq-pingasunit amerlanerullutik najugaqatigiittut arfineq-marluinnaasut.
Containerit Tasiilamut siorna apuunneqarput.
Assiliisoq: Oscar Scott Carl
Kommunimi suliat pitsaassusaat malillugit, aamma angerlarsimaffeqannginnerup akiorneqarnissaanut pilersaarut malillugu najugaqalernissamut sungiusarnermik neqeroorut aaqqissuunneqarpoq. Isumaginninnermut Kiffartuussiviup angerlarsimaffeqanngitsunut immikkoortortaa tallimanik sulisoqassaaq: Aqutsisoq ataaseq, aqqusinermi ujartuilluni angalaartartut isumaginninnermi suliaqarnermik tunuliaqutallit marluk unnuarsiortullu marluk.
Politikkikkut suliarineqalersoq
ANINGAASAQARNEQ INGERLATSINERLU
Neqeroorummik ingerlatsineq sulisunut ukiunut sulisinnaassutsit sisamaanissaannut pisariaqassasoq naatsorsuutigineqarpoq. Ukiumullu aningaasartuutit ima amerlatiginissaat naatsorsuutaavoq:
- Akissarsiat: 1,5 mio. kr.
- Ingerlatsineq pilersuinerlu: 0,2 mio. kr
- Ineqarnermut akiliutinit isertitat: 0,12 mio. kr.
Containerini najugaqartut toqqissisimasumik sinaakkutilimmilu isumaginninnermi perorsaanikkut tapersersorneqassapput. Neqeroorullu innuttaasut amerlanerusut namminneerlutik aalaakkaasumik initaarnissaannut qulakkeerinneqataassaaq.
Ingerlatsinermi aningaasartuutissat suli qulakkiivillugit ilisimaneqanngimmata 1,6 mio. koruuninik tapiliussamik aningaasaliinissamik qinnuteqartoqarnissaa ilimagineqarpoq, taakkulu ingerlatsinermut sulisullu aningaasarsiaannut atorneqassapput.
Isumaginninnermut Inunnullu Innarluutilinnut Ataatsimiititap inassuteqaat siusinnerusukkut akuerereernikuuaa. Aningaasaqarnermut Inuussutissarsiornermullu Ataatsimiititap suliaq kommunalbestyrelsemut ingerlateqqinneqassanersoq ullumi oqaluuserissallugu.
Containerit inissiat Tasiilami angerlarsimaffeqannginnerup akiorneqarnissaanut kommunip suliniutaani siullernut ilaapput, innuttaasullu pisariaqartitsisut angerlarsimaffeqalernissaanut qulakkeerinninnissamut suliniuteqarnermi pingaarutilittut inissisimallutik.
Kommuneqarfik Sermersooq containerinik 40-nik pisinikuuvoq, taakkunannga 30-t inuusuttunut najugaqarfissatut atorneqassapput.
