Tasiilaq: Ulluni pingasuni piterassaaq -37-llu tungaanut ississalluni

Tasiilami ualimut nal. 16.00-minngaanniit ulluni pingasuni piterarnissaa aarlerisaarutigineqarpoq. Illoqarfimmi apingaatsiarnikuummat anorilu peqqutigalugu -37 graditut misinnartumik issittussaammat, kommuni isumannaallisaaniarnikkut aarleqquteqarpoq.

Ingammik apingaatsiarnikuunera ajornartorsiortitsisinnaavoq. Erseqqarlulernerani aputaajaatit ingerlaarsinnaanissaat nalorninarpoq. Pisuinnaallu aqquteqanngimmata pisuinnarnut angalaarnissaq ulorianaateqarsinnaavoq,

Atuarfik, paaqqinnittarfiit, atuareernerup kingorna ornittakkat kommunillu allaffii marlunngornermi februaarip 24-ani matoqqatinneqassasut kommunip aalajangiuppaa. Pisut aallaavigalugit ullumi paasissutisseeqqikkumaarlutik kommunip aamma nalunaarutigaa.

Kommunip sullissineranik pisariaqartitsisoqarpat attavigisassat

Innuttaasut pinartoqartillugu ukununnga attaveqarsinnaapput:

• Hjørdis Viberg, Nunap immikkoortuani pisortaq: 58 42 64

• Karen Mølgaard, Allattoqarfik innuttaasunullu sullissivik: 59 81 19

• Ole Jens Lundblad, Atortorissaarutinut najukkami ataatsimiititaliameersoq: 59 82 18

• Kurt R. Pedersen, Tungiuinermut inunnillu isumaginninnermut tunngasut: 53 85 07

• Ari Nielsen, drift East: 54 75 34

• Ulrich Gaffuri, Materialgården: 56 47 30

• Magnus Kristiansen, Sunngiffimmut kultureqarnermullu tunngasut: 27 73 31

Innuttaasut pisortat nalunaarutaannik malinnaanissaannik piterarneranilu mianersornissaannik kommuni kaammattuivoq.