Aningaaseriviinnaanngitsoq: Sorlaqarfik tatiginninnerlu sinerissami illoqarfinni toqqissisimatitsivoq

Qaqortumi immikkoortortaqarfimmi pisortaq Inge sorlaqarfimminut uterpoq. Inatsisilerituutut (BA) Nuummi 2022-mi ilinniakkani naammassinikuullugu sullissisutut atorfeqaraluarpoq, suleqatiminiilli Grønlandsbankenimut attaveqaateqartumit maluginiarneqarluni. Ingep pisortatigoortumik pigisanik nalunaarsuineq pissusissamisoortutut ajornaatsutullu isigigamiuk, aningaaseriviup tunisassiornermut immikkoortortaqarfianut nammineerluni qinnuteqarpoq atorfinillunilu.

Uinilu Qaqortumi peroriartornikuupput, ernermillu aanakkuni qanilliniassammagit Nuuk qimallugu angerlassallutik aalajangiuppaat. Ingep atorfini Qaqortumiit suliffigiinnarpaa, immikkoortortaqarfimmili pisortanngornissamut periarfissaq takkummat, siunissaq ungasinnerusoq eqqarsaatigalugu aalaakkaasumik ingerlatsinissaq najugaqartunullu tatiginnilersitsinissaq kissaateqarluni, misiliivoq.

AAMMA ATUARUK

Aningaaseriviinnaanngitsoq: Najukkami qanilaarnerup tunniusimanerullu Nunarput naleqarnerulersippaa

Ingemut aqutsisuuneq namminiunissamik sapiissuseqarnissamut tunngavoq. Suligaluaraangami suliffiullu avataaniikkaluaraangami namminiussutsini atuinnartarlugu naqissuserpaa. Pisortatut suliffimmiit ilinniagaq, piginnaasatigut ineriartorfigalugulu atorfimmini iluaqutigisimallugu aamma eqqaavaa.

Inuiaqatigiinni ikittunnguarni tatiginninneq aalajangiisuulluinnartuuvoq, aamma atuisut inuunerat pillugu ilisimasaqarneq inunnut ataasiakkaanut siunnersuilluarsinnaanermik qulakkeerinnittuuvoq. Inuiaqatigiit pillugit ilisimasaqarneq atuisunut malunnaatilimmik naleqarnerulersitsisarpoq, soorlu inuusuttut biilitaarusullutik angallatitaarusullutilluunniit takorluugaat piviusunngortinniarlugit immikkoortortaqarfimmiit ikiorneqarneranni tamanna pisartoq.

Saamasumik killiliisinnaaneq

Immikkoortortaqarfimmi pisortaaneq suliffiullu avataani nammineq inuuneq ammasumik pitsaasumillu oqaloqatigiinnikkut oqimaaqatigiissaarneqartarput. Inge kaffisoriarnermini allaniluunniit katerittuni peqataanermini qanoq atuuffeqarnera immikkoortikkuminartarpoq.

AAMMA ATUARUK

Aningaaseriviinnaanngitsoq: Qeqertarsuup Tunuani immikkoortortaqarfinni aqutsisut inuiaqatigiinnik sullissilluarput

Pitsaasumik attaveqarnissamik tatigeqatigiinnissamillu pilersitsisarpoq – inuiaqatigiinni ikittunnguarnik innuttaqartuni naleqartinneqartut. Ammasuuneq atuisunit iluarineqartaqaaq. Atuisut qinnuteqaamminnik itigartinneqaraluarlutilluunniit naammagisimaarinninnermut naliliinerminni annertuumik naammagisimaarinnittartut immikkoortortaqarfiup takusarpaa, tassami siunnersorneqarnerminni pitsaasumik paasinnilluartumillu ilimagisaminniit sullinneqartaramik.

Aningaaserivimmi atortorissaarutitigut aamma misigineqartarpoq. Qaqortumi immikkoortortaqarfiup aningaaserivik nalinginnaasoq aningaasanik imalik suli atorpaa. Ingerlatsineq pisariugaluaqisoq, Ingep tamanna Kujataani tamarmi tapersersuisutut pingaaruteqartutut isigaa, assersuutigalugu savaatillit imaluunniit Nanortalimmiit tikittut  nunanit allaneersunit aningaasanik taarsiiartortarput. Inge sulereeraangami qimmini Buster nassarlugu qaqqamut pisuttuarluni nukissaminik aallertarpoq, tuttullu neqaa paarnanik miseqqigaq unnukkorsiutigissallugu mamarisaqalugu.

Aqutsineq ungasianiillu takorluukkat

Maniitsumi immikkoortortaqarfimmi pisortaq Ulla Karlsen illoqarfimmi nalunnginneqarluarneq ungasianiit aqutsisuugaluaraanniluunniit iluaqutaasartoq timitalerpaa. Ulla paninilu qulingiluanik ukiulik Nuummi najugaqarput, Maniitsumili inunngornikuullunilu peroriartorpoq.

Ullap Grønlandsbankenimi atorfeqarnini 2007-imi aallartippaa, tassani tunisassiornermut immikkoortortaqarfimmi sulisooriarluni ineriartorusaarnikuulluni. Aningaasaqarneq pillugu ilinniarpoq, atuisunut ineqarnerlu pillugit siunnersuisutut 2026-mi januaarip tungaanut sulisooriarluni Maniitsumi immikkoortortaqarfimmi pisortanngorpoq.

Illoqarfimmi qaammammut ullut sisamapajaat suliffigisarpai, tassani sulisut namminiillaqqissuullutillu tunniusimasut peqatigisarlugit. Qaammatip sinnera nittartakkatigut attaveqaatit atorlugit ulluinnarni suleqatigisarlugit. Naak qanimut suleqatigiinneq killeqaraluartoq Ulla illoqarfimmut tikikkaangami angerlarsimasutut misigiuaannarpoq, illoqarfillu pillugu ilisimasaqarnini atorlugu atuisut paasinninnermik aallaaveqarluni sullittarlugit.

Ukiup qanoq ilinerani susoqartarnersoq nalunngilaa, illoqarfiup aalisartui takornarialerisullu ineriartornerat ilisimasaqarfigalugit. Aamma Arctic Circle Business ataaveqartumik suleqatigalugit inuussutissarsiornerup ineriartornera malinnaaffigiuarpaa.

Ullap atuisut naligiimmik sullinneqarnissaat pingaartitaraa, pisortatullu siuttuunermini maligassiuilluartuulluni. Kisitsisit aallaavigiinnarnagit atuisunut naleqqussakkanik siunnersuisoqartarpoq, taakku inissisimaffiat eqqarsaatigineqartarluni.

Taamatut ilisimasaqarnermi aningaaserivik sukkasuumik ikiuussinnaasarpoq – assersuutigalugu illoqarfimmi inuusuttut illuserusuttut imaluunniit piginneqatigiilluni initaarusuttut ikiornissaannut pingaarutilimmik inissisimasoqarluni. Sunngiffimmi angalaarneq aavarnerlu aallunneqartarput, igaffimmilu kalaalimerngit mamartuliarineqartarlutik. Soorlu kuannit.

Ingep Ullallu nunaminnut asanninnertik, taassumalu siunnersuisarnermut qanilaartumik sullissisinnaanerat tutsuiginartumik sullissinermik pilersitsivoq. Qaqortumi ulluinnarni aqutsisuugaluaraanni imaluunniit Nuumminngaanniit ungasianiit aqutsisuugaluaraanni apeqqutaatinneqarani, atuisut ataasiakkaat atugaat ataqqineqarlutik pingaartinneqarlutillu sullissisoqartarpoq.

Sullitat naligalugit pigaanni, kulturilu ilisimasaqarfigilluaraanni, toqqissisimatitsisoqaannarani illoqarfimmut tamarmut naleqarnerulersitsinermik kinguneqartarneranik takussusiivoq.

Allaaserisaq Grønlandsbankenimit aningaasaliiffigineqarpoq.