KNI nutaamik aningaasaqarnermut pisortartaarpoq

KNI-p Najaaraq Christiansen aningaasaqarnermut pisortatut (CFO aaqq.) atorfinitsippaa. Taanna INI A/S-mi atorfigisaanut assingusumut atorfinippoq.

Najaaraq Christiansen KNI-mi ingerlatseqatigiiffiup aqutsisuani novemberip aallaqqaataani ilaasortanngussaaq. Taassuma KNI-mi siulersuisuni ilaasortaasimanermini ingerlatseqatigiiffik ilisimalluarpaa.

– KNI suliffeqarfiuvoq ukiorpassuarni ilisarisimalluarlugulu, ataqqisara. Ingerlatseqatigiiffimmi peqataalernissara aamma aqutsisut sulisullu peqatigalugit suliffeqarfiup ineriartortinneqartuarnissaanut tapersersuinissaa qilanaaraara, Najaaraq Christiansen oqarpoq.

AAMMA ATUARUK

Greenland Airportsip pisortaanissaa nutaaq toqqarneqartoq

Aningaasaqarnermut pisortanngortoq cand.scient.adm-itut ilinniarsimasuuvoq, Naatsorsueqqissaartarfimmi Tusassimilu sulinermik misilittagalik.

Air Greenlandip siulersuisuini 2026-mi ilaasortanngorpoq, Kalaallit Nunaannilu Aningaasaqarnermut Siunnersuisooqatigiinni siusinnerusukkut ilaasortaasimalluni.

- Najaaraq aningaasaqarnermut tunngasunik piginnaasaqarluarpoq, aqutsisutut misilittagaqarluni Kalaallit Nunaallu ilisimalluarlugu KNI-mi pisortaaneq Jeppe Jensen oqarpoq.

Najaaraq Christiansenip Peter Wistoft aningaasaqarnermut pisortatut kingoraarpaa. Taannali suli ullup ilaannaa KNI-mi sulissaaq, KNI ilisimatitsivoq.