Hans Henrik Suersaq Poulsen nunani tamalaani Inunnut nersornaasiuttakkamik tunineqartoq

Hans Henrik Suersaq Poulsen, isiginnaartitsisartoq eqqumiitsuliortorlu, inuusuttunut inuit kulturiannik, oqaasiinik ataatsimoorfeqartitsinerannullu suleqataasunut nersornaammik Hans Pavia Rosingimik tunineqarpoq. Taanna  nunat tamalaat akornanni siuttunut tunniunneqartartuuvoq. Nersornaat Inuit Issittormiut Siunnersuisoqatigiivisa Iqalunni ataatsimeersuarneranni tunniunneqarpoq.

- Sumik isumaqanngeruttorlunga atera taarpallakkamikku ilimasunngingaarama tupassuaarlunga, Hans Henrik Suersaq Poulsen AG-mut oqarpoq.

Taanna ataatsimeersuarnermi erinnamik akunniliisoqarnerani “Seqineq panna” erinarsoqatigiinnit atorneqarnissaanut taamaallaat peqataassalluni isumaqarsimagaluarpoq.

- Nersornaasiisut tusarnaarlugit appissalluta eqqissiivilluta utaqqerujoorpugut. Atera taarpallakkamikku. Inuusuttoq kulturitsinnik ingerlatsisuulluartoq, oqaatsitsinnik pingaartitsisoq atisatsinnik ilisimasani inuusuttunut inuit nittartakkatigut attaveqaataasigut ingerlateqqittarpai. Upperinagulu qujamasuppunga, Hans Henrik Suersaq Poulsen oqarpoq.

Taassuma saniatigut Canadamiu Tia Adams , Tjukotkamiu Maria Valeryevna Karnaukhova aamma Alaskamiu Tatiana Taanka Korthius nersornaaserneqarput.

Issittumi tamarmi Inuit nunat killeqarfii akimorlugit inuiaqatigiinnik ineriartortitsineq ataavartitsinerlu pillugit nersornaasiinerit ukiut tamaasa pisarput.