KL

DK

Nipilersortartut ajunngitsorsiassaminnik pissarsinngitsoornikut akilerneqartussanngorput

Kalaallit Nunaat Tivolimi tusarnaartitsinerit ingerlanneqareersullu nipilersortartunit, aningaasanik amigaateqarneq pissutaalluni ajunngitsorsiassaminnik pissarsinngitsoornikut tallimanngorpat pissarsisussanngortut, aqutsisoqatigiit siulittaasuata Kim Falck-Petersenip neriorsuutigaa – aningaasaqarnikkut nukittunerulernissaq qulakkeerniarlugu Tivolimit siunissami aningaasaliinerit, annertusineqarnissaa anguniarneqarpoq.

Nipilersortartut tamarmik tallimanngorneq oktobarip qulingiluaanni ajunngitsorsiassatik tungusussanngorpaat, taama aqutsisoqatigiit siulittaasuat Kim Falck-Petersen neriorsuivoq.
Martin Christiansen Martin Christiansen Nammineerluni tusagassiortoq
Saqqummersinneqarpoq

Nipilersortartut kingulliit Kalaallit Nunaat Tivolimi ukioq manna ingerlanneqarmat, suli ajunngitsorsiassanik pissarsinngitsut tallimanngorpat ajunngitsorsiassatik tigusussanngorpaat.

Taamaalilluni ajunngitsorsiassat tamarmik akilerneqassapput.

Nipilersortartut kingulliit Kalaallit Nunaat Tivolimi ukioq manna ingerlanneqarmat, suli ajunngitsorsiassanik pissarsinngitsut tallimanngorpat ajunngitsorsiassatik tigusussanngorpaat.

Taamaalilluni ajunngitsorsiassat tamarmik akilerneqassapput.

Kim Falck-Petersen, aaqqissuussinermik aqutsisoqatigiinni siulittaasoq, ilisimatitsivoq.

Nipilersortartut arlallit Kalaallit Nunaat Tivolimi tusarnaartitsinerminni ajunngitsorsiassaminnik utaqqisariaqarnerannik ajornartorsiut tamaanga killeqarpoq.

Ajunngitsorsiassat kinguaattoorfiusut AG-mi allaaserineqareerput, tassanilu aqutsisooqatigiinnut ilaasortap Ib Uldumip uppernarsarpaa ajunngitsorsiassat arlallit suli akilerneqarsimanngitsut.

Kim Falck-Petersenip, aqutsisooqatigiinni siulittaasup aningaasaqarnermullu akisussaanerpaasup, kinguaattoornermut pissutaasoq maanna nassuiarpaa.

Aningaasat pissarsiassaanngitsut

Kalaallit Nunaat Tivolimi peqataasunut ajunngitsorsiassanik akiliinissaminut naammattunik aningaasaateqarsimanngitsut, Kim Falck-Petersen nassuiaavoq.

- Kinguaattoornermut pissutaasoq tassaavoq akiliiffissatut ullormi isumaqatigiissutigineqareersumi, aningaasat tigoriaannaat naammassimannginneri, taamaalillunilu pilersaarutit malillugit ajunngitsorsiassat tunniunneqarsinnaasimanngillat.

Aningaasaqarnikkut ajornartorsiornermut pissutaasut arlallit, soorlu timmisartumut bilitsit unnuinerillu akitsorujussuarsimanerat, angallannermut, assartuinermi teknikkillu akisunerulersimanerat, taassuma tikkuarpai.

Kim Falck-Petersen naapertorlugu tamatuma saniatigut coronap kingorna kalaallit suliffeqarfiisa aningaasatigut tapersersuinerat annikillisimavoq.

Aqutsisooqatigiit nipilersortartut timmisartornerat unnuinerallu, kiisalu nerisassat illoqarfimmullu angalanerit akilerneqarsimapput. Aningaasaqarnikkullu ajornartorsiorneq pissutigalugu piffissaq eqqorlugu ajunngitsorsisitsisinnaasimanngillat, siulittaasoq oqarpoq.

- Kalaallit Nunaat Tivolimi aqutsisooqatigiit siulittaasuattut aningaasaqarnermut nipilersortartunut peqataasunullu allanut isumaqatigiissutinut akisussaanerpaavunga. Pissutsinullu atuuttunut akisussaaffik maanna aammaa, paaraara.

Nipilersortartut arlallit ajunngitsorsiassaminnik utaqqisariaqarsimanerat ajuusaarutigaa.

Tivoli akiliinerusalernissaa kissaatigineqartoq

Ajunngitsorsiassalli kingulliit tunniunneqarnissaat qalliartortillugu Kalaallit Nunaat Tivolimi aningaasaqarnikkut tunngaviusumik ajornartorsiutaanut aaqqiissutaanngilaq.

Aningaasaqarneq siunissami qanoq, aaqqiivigineqassanersoq aqutsisooqatigiit suli aalajangersimanngilaat. Kim Falck-Petersenilli Tivoli annerusumik tapersiisariaqarnera oqaatigaa.

- Aqutsisoqatigiit isumaqarput Tivoli siunissami aaqqissuussinermut, aningaasatigut akisussaaffeqarnerulertariaqartoq.

Kim Falck-Petersen naapertorlugu Tivolip aningaasatigut tapiissutai festivalertitsinermi aningaasartuutit, soorlu teknikerit, atortorissaarutit nipilersuullu attartornerinut atorneqartarput. Taamaattumik aningaasat eqqumiitsuliortut ajunngitsorsiassanut, timmisartumut unnuinermulluunniit atorneqarsinnaanngillat.

Kinguaattoornermut pissutaasoq tassaavoq akiliiffissatut ullormi isumaqatigiissutigineqareersumi, aningaasat tigoriaannaat naammassimannginneri, taamaalillunilu pilersaarutit malillugit ajunngitsorsiassat tunniunneqarsinnaasimanngillat.

- Kim Falck-Petersen

Aaqqissussami pingaarnertut nipilersortussanut aningaasartuutit tamakkiisumik ilaannakuusumilluunniit, Tivolip siunissami akilertalersinnaavai.

- Tamanna aqutsisoqatigiit aningaasaqarnerannik allannguilluinnarsinnaavoq, tamatumalu saniatigut Kalaallit Nunaat Tivolimi aningaasaqarnikkut imminut nammassinnaanerulernissaanut siunissami tunngavissinneqassagaluarpoq.

Tivolili arlaleriarluni oqaloqatigineqartariaqarpoq.

Nipilersoqatigiit ikinnerulersinnaanerat aaqqiissutissaasinnaavoq

Tamatuma saniatigut aqutsisooqatigiit misissussavaat qanoq sipaarniartoqarsinnaanersoq.

Periarfissat ilagaat kalaallit nipilersortartut Danmarkimi najugaqareersut atorluarneqarsinnaanerat. Taamaalilluni timmisartumut unnuisarnermullu aningaasartuutit annikillisinneqarsinnaapput.

- Kalaallit kulturiannik sammisaqarneq aaqqissuussap ilisarnaataatut pingaaruteqarpoq, Kim Falck-Petersen oqarpoq, ilisimatitsissutigalugulu Kalaallit Nunaanniit nipilersortartut Danmarkimilu najugallit nipilersortartut ataatsimoortinnissaat periarfissaasinnaasoq.

Aqutsisooqatigiit aamma isumaliutersuutigaat tusarnaartitsinerup annikillisinneqarsinnaanissaa

- Aamma imaassinnaavoq nipilersortartut ikileriarlugit nipilersornermik sammisaqartitsineq annikinnerulersinneqartoq.

Suli aalajangiisoqanngilaq, periarfissalli aqutsisooqatigiinni Tivoli peqatigalugu eqqartorneqarput.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

tivoli ajunngitsorsiassat kim falck-petersen kalaallit nunaat tivolimi kulturi nipilersortartut

Atorfiit tamaasa takukkit

PODCASTI

Powered by Labrador CMS