Nuuk: Atuarfiup naammassinissaata kinguaattoornera meeraaqqerivimmiittunut eqquissaaq
Atuarfik Inussuk kinguaattoorfiungaarlunilu mamiatsaatigineqartoq illoqarfiit pingaarnersaanni meeqqanut meeraaqqerivimmiittunut kingunerlussaaq.
Nuummi atuarfissap aatsaat aasaru ammarnissaa naatsorsuutigineqarpoq, tamannalu meeraaqqerivinni inissaqarniarnikkut ajornartorsiortitsissaaq, Kommuneqarfik Sermersooq ilisimatitsivoq.
Toqqorsivimmiit assi: Leiff Josefsen
Meeqqanut Ilaqutariinnullu Ataatsimiititami politikerinut nalunaarummi ingerlatsivik ilisimatitsivoq atuarfiliornerit kinguaattoornerisa aamma ASK-ip USK-illu matuneqarnerat pissutigalugit meeraaqqerivinnut utaqqisut allattorsimaffiat allanngortinneqarallartoq.
1. klassit sunngiffimmi ornittakkani aallartinneqartussaasut ukioq manna aallartinneqassanngillat, ASK-ip USK-illu matunerat atuarfinnillu sanaartorneq kinguaattoorfiungaartoq pissutigalugit init atuarfimmi atuartitsinermut atorneqarmata,
Ajortnartorsiutit ataavartut
Meeqqat meeqqerivinniittut siusinnerpaamik juulip aallaqqaataani AKO-mut nuussinnaalissapput, Kommuneqarfik Sermersuumi ingerlatsivimmit ilisimatitsissutigineqarpoq.
- Meeqqanut paaqqinnittarfinnut utaqqisut allattorsimaffianniittunik pilersitsinissaq naatsorsuutigineqarpoq, meeqqat meeqqerivimmiittut AKO-mut nuunneqarsinnaannginnerat pissutigalugu, taamaattumik meeqqat paaqqinnittarfinniittut meeqqerivimmut nuunneqarnissaannut inissaqarunnaassaaq, Meeqqat Ilaqutariillu Ataatsimiititaliaata ataatsimiinnerani imaqarniliami allassimavoq.
Taamaattumik atuarfiliornerit kinguaattoornerat meeqqat ukiuisigut assigiinngitsunik amerlassuseqarnerannik, minnerunngitsumik nukarliit eqqugaanerannik, kingunerlutsitsivoq.
Ilisimatitsissutigineqarpoq meeqqerivinni suli inissaqartoq, aamma meeqqeriviit matuneqareersut ammaangallarneqarsinnaasut.
Oquk
Siorna oktobarimi Kommuneqarfik Sermersooq nalunaarpoq naatsorsuutigineqartoq Atuarfik Inussuup matui atuartunut aasamut ammaanneqassast ukioq atuarfik nutaaq aallartippat.
Atuarfissaq nutaaq sivisuumik kinguaattoorfiusoq kommunimut annertuumik unammilligassaqalersitsivoq, tamannalu suli ilungersunarnerulerpoq ukiaq ASK aamma USK oqoqarnera pissutigalugu matuneqarmata.
Tamanna pissutigalugu kommuni ininik atuartitsinermut naleqquttunik ujaasisariaqarsimavoq. "Ikkussortakkat“ ilaat ataaseq amigaataasoq maanna paasinarsivoq, tamannalu meeqqat meeraaqqerivimmiittut upernaaru atugassaannut sunniuteqassaaq.
