Peqqinnissaqarfimmi sulisunut inissiat oqallisaaqisut ilaat allaffittut atorneqartut

Inissiat akisunerujussui peqqutaallutik siullermik eqqartorneqartorujussuupput. Maanna inissiat taakku Nuummi Qatserisuniittut 90-it ilaat allaffittut atorneqartut paasinarsivoq. Inissiammi 20-t allaffittut atorneqartut Peqqissutsimut Aqutsisoqarfiup ilisimatitsissutigaa.

Inissiaqarfiit pingasut Nuummi Qatserisuniittut pineqarput. Inissiat arfinillit ataavartumik allaffittut atorneqalernikuusut, 14-illu utaqqiisaasumik allaffittut atorneqartut Peqqissutsimut Aqutsisoqarfiup ilisimatitsissutigaa.

Assiliisoq: Arnaq Nielsen

Arnaq Nielsen Arnaq Nielsen Tusagassiortoq

Saqqummersinneqarpoq 16. Septembari 2026 - 13:01

Ussassaarut

Inissiaqarfinni pingasuni Qatserisuniittuni najugallit sanilitaartorput. Sanilitaavili najugaqartuunngillat. Tassanimi suligamik.

Nuummi Qatserisuni inissiaqarfiit pingasut akisunerujussuat peqqutaalluni oqallisaangaatsiarput. Inissiaq sisamanik initalik qaammammut 17.496 koruuninik akeqarpoq. Akisunerat peqqutaalluni ikinnerpaamik nakorsat pingasut soraarnikuupput.

Attartornermi aki suli allanngorsimanngilaq.

Peqqissutsimulli Aqutsisoqarfiup paasissutissiinera malillugu inissiat taakkua ullumikkut inuttassaaleqissunneqanngillat.

- Inissianik inoqanngittoqanngilaq. Peqqinnissaqarfiulli aamma Namminersorlutik Oqartussat inissiaataat allat assigalugit nuuttoqarnerani inissianiillu anisoqarnerini ilaat piffissap ilaani inoqarneq ajorput, Peqqissutsimut Aqutsisoqarfik Sermitsisamut allappoq.

Ussassaarut

Inissiat 20-t allaffeqarfittut atorneqartut

AAMMA ATUARUK

Nakorsanut inissianut assuarineqartunut aaqqiissutissaqalilerunartoq

Inissialli ilai allaffittut atorneqalersimasut Peqqissutsimut Aqutsisoqarfiup ilisimatitsissutigaa.

- Taakkunannga arfinillit inissiaqarfinni allerpaamiittut allaffittut ataavartumik atorneqarput. Sinneruttulli 14-it ASA-meersut (Aningaasaqarnermut Sulisoqarnermullu Aqutsisoqarfik aaqq.) allaffiat iluarsartuunneqareerluni naammassippat inissiatut atorneqaqqilissapput, Peqqissutsimut Aqutsisoqarfik allappoq.

ASA-mi sulisut allaffeqarfinnut iluarsaanneqartunut uteqqissinnaalerpata inissiat sinneruttut 14-it pilersaarutit naapertorlugit sulisut najugaqarfigisartagaattut atorneqaleqqissapput.