Sulisitsisut: Atuarfiit aaqqissuuteqqinneqarnerata atuarfiit namminersortut pisariaqartinneqarnerulersissavaat

Meeqqat atuarfianni 1. klassimiit 3. klassimut qallunaatoortitsisarneq atorunnaarsinneqarpat Danmarkimiit ilinniarsimasunik piukkunnartunik pissarsiniarneq unammillernarsisinnaaosq, Sulisitsisut Kattuffianni pisortaq Christian Keldsen isumaqarpoq

- Qallunaat oqaasii ilininartitsissutigineqartarneri atorunnaarsikkaanni suliffeqarfeqarfimmut tamarmut sunniuteqarsinnaavoq, Sulisitsisuni pisortaq Christian Keldsen oqarpoq.

AAMMA ATUARUK

Nukarlernut ullut atuarfiusut akunnerillu ikinnerit

- Nunanit allanit sulisussarsiorsinnaaneq siunertaralugu ilinniartitaanermut periuseq tunngavilersorneqartussaagunanngilaq, inuiaqatigiilli piginnaasaqalernerulernissaat pineqarpoq.

-  Pissutsilli piviusut eqqarsaatigalugit, ukiuni qulikkuutaani tulliuttuni sulisunik tikisitanik pisariaqartitsineq annertusiartuinnartussaavoq. Meeqqat atuarfiannut allannguut allatut periarfissaqalernissamik pisariaqartitsinermik suli annerusumik pilersitsissaaq, taamaalillunilu assersuutigalugu atuartut qallunaatut tuluttullu oqaasillit ilinniartissinnaajumallugit atuarfiit namminersortut amerlanerulersinnaapput, Christian Keldsen oqarpoq. Inuiaqatigiinni unammilligassamik pilersitsissasoq isumaqarpoq.

- 1970-ikkunni 80-ikkunnilu angajoqqaat kalaallisut oqaasillit amerlasuut meeqqatik ilinniaqqinnissaminnut periarfissaqarnerulerniassammata qallunaatut oqaluttut klassiannut atuariartortikkusuttarpaat.

Christian Keldsenip "ilinniartitaanerup aaqqissuussaanera qallunaatut piginnaasaqarluarnissamik piumasaqaateqarpoq, taamaammat qallunaatut ilinniartitsisarneq annikinnerulissappat ilinniaqqissinnaasut killilerneqarsinnaanerat aarlerinarsisinanasoq" ernummatigalungu tikkuarpaa.

Siunissaq ungasinnerusoq eqqarsaatigalugu pilersaarusiornissaq ujartoraa

- Meeqqat atuarfianni nukarlerni qallunaatut ilinniartitsisarnerup atorunnaarsinneqarnissaa piumasarineqarpat, tamanna meeqqat inuusuttullu qallunaatut ilinniarsinnaanngitsut kalaallisut ilinniartitaanermik naammassinnissinnaanissaannik siunissaq ungasinnerusoq eqqarsaatigalugu pilersaarusiortoqareerpat  aatsaat pissaaq.

Inatsisissatut siunnersuut nutaaq Naalakkersuisut tusarniaassutigisaat 9. aamma 10. klassinut atuartunut angajullernut aamma allannguuteqarpoq, tassani kommunit inuussutissarsiornermik ilinniarfimmik atuartut suliffimmi misilittagaqarfissaannik pilersitsinissamut periarfissaqalernissaat pilersaarutaavoq.

Sulisitsisut pisortaata inatsimmut allannguutissaatut siunnersuummi atuartut angajullernut attuumassuteqartoq nuannaarutigaa.

AAMMA ATUARUK

Taamaammat atuartut nukarliit akunnernik atuartitsissutinillu annikillisaavigineqassapput

- Piginnaasat nunarsuarmilu appakaannermi iluaqutaasinnaasut nunani allani ilinniartitsissutaasarput. Siammasissumik periuseqarnissaq pingaaruteqarpoq, kikkulli tamarmik iluaqutigiunnanngilaat, atuartorpassuilli inuussutissarsiornermut tunngasut iluaqutigisinnaanerussallugu,  Christian Keldsen oqarpoq. Taassuma panimi Canadami atuartinneqarnikuunera assersuutigaa.

- Panima Montréalimi atuarfimmi 10. klassernermini aningaasaqarnermut matematikkimi atuartinneqartarpoq.

Atuarfik pillugu inatsisartut inatsisaata allanngortinneqarnissaanut siunersuut tamakkerlugu uani paasisaqarfiginerusinnaavat. Tusarniaaneq februarip qulingata tungaanut ingerlanneqarpoq.